Naturpakt-Dag 2026

Freides, de 26 Juni 2026
Vun 8:15 bis 17:00 Auer
Zu Walfer Am Centre Culturel Prince Henri

De Programm:

Ab 8:15 | Acceuil mat Kaffi a Croissant

8:45 - 12:00 | Visitte vun Naturschutz-Projeten an der Regioun

D’Plaze fir d’Visitte Moies si limitéiert. Dir kennt Iech nach bis den 24. Juni 2026 umellen sou laang nach Plaze fräi sinn – eng Visitt pro Persoun. Zwou Visitte sinn (deelweis) mam Bus, déi aner zwou komplett zu Fouss. Fest Schong si fir all Visitt recommandéiert.

Visitt 1: Tour Heedchen a Sonnebierg mat der ANF, dem Animateur Natura2000 an dem SICONA (max. 42 Persounen)

Dës Visitt féiert laanscht d’Weieren an d’Heed bis an d’Naturschutzgebitt Sonnebierg. Follgend Statioune si geplangt:

Busfaart bis bei d’Weieren an d’Torfmoossen (mat Erklärungen zum Konzept Schwammwald, Weieren als Liewensraum an d’Wiederansiedlung vun der klenger Mouk)
Liewensraum Heed (Restauratioun an Entretien)
Optional: de Raschpëtzer (een ënnerierdescht Aquädukt-System) an eng Dréchemauer

Wichteg: De Réckwee gëtt zu Fouss gemaach (ca. 3,5 km flaach a géi biergof).

Visitt 2: Uelzechtrenaturéierung mat der AGE, der Gemeng Walfer an dem SICONA

Den Haaptdeel vun dëser Visitt dréit sech ëm d’Renaturéierung vun der Uelzecht a gëtt vun der AGE guidéiert. Et geet zu Fouss a Richtung Startpunkt vun der Renaturéierungsmoossnam, wou follgend Statiounen um Réckwee virgesi ginn:

Ee Weier, dee vum SICONA ugeluecht gouf
Ee Gemeinschaftsgaart vun der Gemeng
Naturno Gréngfläche vun der Gemeng

Wichteg: Dës Excursioun gëtt komplett zu Fouss gemaach. D’Streck ass awer flaach an entsprécht engem gemittleche Spadséiergang vu ronn 3 km.

Visitt 3: Tour Sossenhaff mam Sicona

D’Visitt féiert op de Sossenhaff, wou mir eis follgend Statiounen ukucken:

Ee Weier, ee Steekoup, eng Dréchemauer an ee Bongert.

Optional kënnen och nach follgend Statiounen dobäikommen:

d’Bréck vun der Uelzecht, ee Schmueweltuerm, ee Waasserréckhaltebecken an eventuell genotzte Maschinnen um Sossenhaff.

Wichteg: Dës Excursioun gëtt komplett zu Fouss gemaach. De Wee erop op de Sossenhaff ass relativ géi, dës Visitt ass dofir éischter fir méi aktiv Participanten recommandéiert.

Visitt 4: Tour Kléngelbour / Brideler Plateau mam SICONA (max. 42 Persounen)

D’Visitt ass an zwee Deeler agedeelt:

Den éischten Deel féiert mam Bus op den Haff Kléngelbuer. Do kucke mir eis zwee Weieren an ee Bongert un, a ginn zesumme mat Mataarbechter vum Haff op Theme wéi Uebstbamplanzung an en Amphibienleitsystem an. Weider Aspekter, wéi “Natur Genéissen”, gi presentéiert mat enger Degustatioun vum hausgemaachten Uebstjus.
Den zweeten Deel féiert mam Bus op de Brideler Plateau, wou mir eis e SICONA-Schaufeld fir Wëllplanzesom an e Feldflorenreservat ukucke ginn.

Wichteg: Et däerfe keng Fotoe vum Haff oder vum Bongert gemaach ginn.

12:00 - 13:00 Auer: Mëttegiessen an Austausch

Programm vun 13:00 bis 17:00 Auer

Begréissung duerch den Ëmweltministère, Klima-Agence an d’Gemeng Walfer
Ried vum Minister fir Ëmwelt, Klima a Biodiversitéit, Serge Wilmes
Aktualitéiten aus dem Naturpakt presentéiert vu Klima-Agence
Aktualitéiten vum Ëmweltministère an de Verwaltungen
Ëmsetzungsbeispiller vun der Gemeng Walfer an dem Naturschutzsyndikat SICONA
Iwwerreechung vun der Sonnerauszeechnung “gréisste Wise-renaturéierung”
Iwwerreechung vun de Naturpakt-Zertifikatiounen